Қазақстанда интернет-алаяқтарды анықтайтын арнайы орталық құрылады

Орталық нұсқауы бойынша банктер алаяқтық схемаларға күдік келтірілген барлық операцияларды бұғаттауға міндетті. Егер күдік расталса, онда бірден құқық қорғау органдарына хабар беріледі, деп хабарлайды Qamshy.kz.

Бұған дейін банктер мен құқық қорғау органдары ел азаматтарын қаржылық алаяқтардан қалай қорғауға болатындығы туралы амал-шараларды аракідік жариялап, мәселені реттеуге тырысқан. Алайда бұдан пайда болмай тұр. Интернет алаяқтар күннен күнге көбейіп, жұртты басынуда. Сондықтан мемлекет азаматтарды интернет-алаяқтардан тиімді қорғауға бағытталған заңнамалық нормаларды әзірлеп, аталған мәселе шешіміне жең түріне кірісті.

Антифрод орталық алақтық операциялар туралы мәліметтермен алмасатын және оларға қарсы күресті бірыңғай үйлестіруші алаң ретінде жұмыс істейтін болады.