Мемлекетке опасыздық жасады деп сотталған ғалым босап шықты

Қытайтанушы ғалым Константин Сыроежкин түрмеден босап шықты. Бұл туралы  саясаттанушы Марат Шибутов әлеуметтік желідегі парқшасында жазды. 

Константин Сыроежкин түрмеде бес жыл отырып, шартты түрде мерзімінен бұрын босап шықты.

Еске сала кетейік, Сыроежкин 2019 жылы "Мемлекетке опасыздық жасады" деген айыппен 10 жылға сотталған болатын. Алматыдағы пәтерінде құпия операция кезінде ұсталған қытайтанушының 2005 жылы Ресей азаматтығын алғаны белгілі болған еді.