"Қазмырыш" қалдығы ШҚО-дағы Филиповка өзенін ластаған

Әлеуметтік желіде тараған видеолардан Шығыс Қазақстан облысындағы Филиповка өзенінің ластанғанын байқауға болады. Осыған қатысты ШҚО экология, балық инспекциясы, санитарлық-эпидемиологиялық бақылау департаменті "Қазмырыш" ЖШС өкілдері тексеру жүргізді.

Өзеннің ластануына Қазмырыш ЖШС Риддер тау-кен байыту кешенінің қалдық қоймасына пульпа құбырының жарылуы себеп болған. 

Экология департаментінің қызметкерлері химиялық талдау үшін су сынамасын алды. Қазір сынама талданып жатыр.

Осыған қатысты экология департаменті Қазмырыш ЖШС-ға жоспардан тыс тексеру жүргізіп жатыр.