Қазақстан әскери қуат деңгейі бойынша Өзбекстаннан кейінгі 63 орында тұр

Global fire power әлем елдерінің әскери қуат деңгейі бойынша рейнтинг жариялады. Рейтинг бойынша, Қазақстан әлем елдері арасында 63 орында тұр. 

Global Fire Power – бірқатар факторларды ескере отырып, жыл сайынғы әлем елдерінің әскери қуат деңгейін бағалау жүйесі. Рейтинг дайындаған сарапшылар әлем елдерінің әскери әлеуеті мен күшін бағалау, атыс күшіне байланысты 60-тан астам факторларға негізделгенін айтқан. 

Мамандар елдегі әскери бөлімдердің санын, оның қаржылық жағдайы, материалдық-техникалық мүмкіндіктері және географиясын ескерген. Атап айтқанда, қорғаныс шығындарының деңгейін, техника мен жабдықтардың арсеналын, армия санын, танктер, кемелер мен ұшақтардың және басқа да әскери техниканың санын, сондай-ақ армияның жауынгерлік қабілетіне әсер ететін ресурстарға, мұнайға, көмірге және т.б. қолжетімділікті есепке алған.Алайда ядролық қарудың болуы есептелмеген. 

Рейтингіде АҚШ, Ресей, Қытай елдері көш бастап тұр. Ал Қазақстан болса Марокко мен Өзбекстаннан кейінгі 63 орында. Түрікменстан, Армения, Қырғызстан, Тәжікстан және Молдованың әскери қуаты Қазақстаннан кейінгі орынды алған. 

Global Fire Power дерегінше, Қазақстан авиациясында барлығы 237 ұшу аппараты бар: 75 жауынгерлік тікұшақ, ұшақтар арасында - 39 штурмовик, 81 истребитель, 17 көлік және 25 оқу ұшағы. Бұдан бөлек, еліміздегі құрлық әскерлерінде 300 танк, 5,2 мың броньды жауынгерлік машина, 246 өздігінен жүретін артиллериялық қондырғы, 456 бірлік сүйретілетін артиллерия және 407 волейбол атысының реактивті жүйесі бар.