Тоқаев “Көк тудың желбірегені” әнінің авторын марапаттады

Бүгін мемлекет басшысы Қасым-Жомарт Тоқаев ақын, көпке белгілі "Көк тудың желбірегені" әнінің сөзін жазған Алмас Ахметбекұлын "Құрмет" орденімен марапаттады. 

Алмас Ахметбекұлы – 1961 жылы ҚХР, Тарбағатай аймағында дүниеге келген. 1982 Іле педагогикалық институтының Филология факультетін тәмамдаған. 1982-1992 жылдар аралығында Шәуешек қаласында шығарылатын «Тарбағатай» әдеби журналының редакторы болып қызмет атқарып, 1993 жылы тарихи Отанына оралды.

Ақынның «Дауыс», «Ширығу», «Көк тудың желбірегені» деп аталатын кітаптары жарық көрген. 

1993-1995 жылдары «Жас Алаш» газетінде тілші, 1996-2006 жылдары әл-Фараби атындағы ҚҰУ журналистика факультетінде аға оқытушы болып қызмет атқарған. 1997 жылы ҚР Парламент Мәжілісінде баспасөз қызметкері болып жұмыс істеген.