12 Қазан, 2020 Әлеумет
Көрнекі сурет
Еңбек және халықты әлеуметтік қорғау министрлігі 2020 жылғы қаңтар-қыркүйек айларында республикалық бюджеттен базалық зейнетақы төлеуге 576,4 млрд теңге, ынтымақты зейнетақы төлемдеріне – 1 трлн 285,4 млрд теңге бағытталғанын хабарлады.
"2020 жылғы қыркүйек айында республикалық бюджеттен зейнетақы төлемдеріне 209 млрд теңге, оның ішінде базалық зейнетақы төлеуге – 64,8 млрд теңге, ынтымақты зейнетақы төлеуге – 144,2 млрд теңге бөлінді" делінген министрлік таратқан хабарламада.
1 қазандағы жағдай бойынша Қазақстанда 2 млн 212 мың зейнеткер бар.
Зейнетақы төлемдерінің орташа мөлшері (оның ішінде базалық зейнетақы) 2020 жылғы 1 қазандағы жағдай бойынша 94 913 теңгені құраған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір