Шығыс Қазақстан облысында жол апатынан екі адам қаза тапты

Шығыс Қазақстан облысында автобус пен жеңіл көлік соқтығысып, екі адам көз жұмды. Бұл туралы облыстық полиция департаменті хабарлады. 

Оқыс оқиға 13 ақпанда сағат 16:30 шамасында Глубокое ауданының Өскемен-Риддер тасжолының 34 шақырымында болған. Апат салдарынан "Datsun" көлігінің 36 жастағы жүргізушісі және 29 жастағы жолаушы әйел оқиға орнында қайтыс болды.

Қазір аталған іс Қылмыстық кодекстің 345-бабы 4-бөлігі (көлік құралдарын жүргізуші адамдардың абайсызда екі және одан да көп адамның өліміне әкеп соққан Жол жүрісі қағидаларын бұзуы) бойынша тіркеліп, сотқа дейінгі тергеп-тексеруді басталды.

Қазіргі күні сот-медициналық сараптама тағайындалды, оның нәтижесі бойынша процессуалды шешім қабылданады.

 

 

 

Посмотреть эту публикацию в Instagram

 

 

 

Публикация от Шығыс Сақшылары (@eastkazpolice)