25 Қараша, 2024 NEWS
Енді Қазақстанда "Даун" синдромын жүктіліктің 10-шы аптасында анықтай алады
Қазақстанда алғаш рет инвазиялық емес пренаталдық тестілеу әдісі енгізілді.
Көрнекі сурет
Жаңадан енгізілген технология ел президентінің іс басқармасы Медициналық орталығының ауруханасында қолданыла бастады. Сондай-ақ жаңа әдіс жүктіліктің 10-шы аптасынан бастап Даун синдромын 99 пайыздан астам дәлдікпен анықтауға мүмкіндік береді. Зерттеу үшін анадан қан үлгісін алса жеткілікті.
"Әдіс ананың қанындағы ұрықтың жасушадан тыс ДНҚ-сын талдау арқылы жүргізіледі. Даун синдромынан бөлек, Эдвардс синдромы (трисомия 18), Патау синдромы (трисомия 13) және жыныстық хромосомалық бұзылыстарды анықтай алады. Процедура қауіпсіз, инвазиялық араласуды қажет етпейді. Сондықтан ана мен ұрық денсаулығына ешқандай зиян келтірмейді”, – делінген хабарламада.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір