16 Мамыр, 2024 NEWS
Жаркентте балабақша тәрбиешісі балаларды тұншықтырып, жазықсыз ұрған
Әлеуметтік желіде балалрды жазықсыз ұрған тәрбиешілердің видеосы тарады. Сұмдық жағдайды бүлдіршіндердің ата-аналары анықтаған.
Фото: бейнекадрдан
2024 жылдың 14 мамыр күні кешкі уақытта «Жаскент бөбекжай-бақшасы» ЖШС «Құлыншақ» тобының тәрбиеленушісі Мұхаметқали Аяулым Әділетқызының анасы Г.Шаймерденова қызының аяғындағы сырылған жарақатты көреді. «Жаскент бөбекжай-бақшасы» ЖШС-дағы бейнебақылау камераларынан тәрбиешінің қызына дене жарақатын салған іс-әрекетін анықтайды. Ең сорақысы, ата-аналар бейнебақылау камерасынан тәрбиешілердің тыныш отырған балаларды себепсіз ұрып, тұншықтырғандарын көреді. Тіпті бұл сұмдықты көрген кейбір ата-аналар талып та қалған.
Ата-аналар бұл оқиға бойынша құқық қорғау органдарына хабарласты.
Осыған қатысты Жетісу облыстық полициясы жауап берді.
«Бұл дерек бойынша сотқа дейін тергеу басталды. Сот-медициналық сараптамасы тағайындалды. Аталған іс облыстық полиция департаментінің бақылауында», - делінген хабарламада.
Балабақшада небәрі 5 ай жұмыс істеген күдікті бұған дейін тәрбиешінің көмекшісі болған. Дау тудырған жағдайдан кейін балабақша әдіскері, тәрбиешінің көмекшісі және күдіктінің өзі жұмыстан қуылды.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір