Фото: Қырғызстан МҰҚК
Қырғызстан Қазақстан шекарасындағы жағдайға байланысты Еуразиялық экономикалық комиссияға (ЕЭК) жүгінді. Соған байланысты 24 тамыз күні Еуразиялық экономикалық комиссияның мониторинг тобы қырғыз-қазақ шекарасында болған.
"Қырғызстан тарапы мониторингтік топқа Қазақстандық өткізу пункттерінің жұмысы айтарлықтай төмендеуіне байланысты кептеліс болып жатқанын хабарлады"– деп жазды ЕЭК.
Ал Қазақстан тарапы жүк машиналарының өткізілуін екі-үш машинадан сағатына сегіз-тоғыз машинаға дейін ұлғайтқанын хабарланды. Еуразиялық экономикалық комиссия жағдайды бақылауда ұстамақ.
Еске салайық, бірнеше күннен бері қазақ-қырғыз шекарасында жүк көліктері қаңтарылып тұр. Жүргізушілер жүк көліктерінің Қазақстанға кіргізілмеу себебіне қатысты түрлі нұсқа айтады. Бірақ кептеліске байланысты ресми мәлімдеме жасалған жоқ.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір