Қарағанды облысында 227 кенші бар шахтадан өрт шықты

АрселорМиттал Теміртау АҚ-ға қарасты "Қазақстан" шахтасында конвейер таспасы өртеніп, апат болды.

Өрт 17 тамыз сағат 10:00-те шыққан. Оқиға орнына Кәсіби әскерилендірілген авариялық-құтқару қызметінен 15 қызметкер мен 5 техника, Төтенше жағдайлар министрлігінің 8 қызметкері мен 2 техникасы жұмылдырылды.

Шахтада барлығы 227 адам болған. Олар біртіндеп жер бетіне шығарылып жатыр. Соңғы  ақпарат бойынша шахтада болған 177 адам жер бетіне шығарылған.