Жаңа жылдан бастап екі әлеуметтік төлем мөлшері артады

Мемлекеттік әлеуметтік сақтандыру қорынан төленетін екі әлеуметтік төлем мөлшері 2023 жылғы 1 қаңтардан бастап арттырылады. Бұл туралы үкімет сайтында айтылған.

"Мемлекеттік әлеуметтік сақтандыру қорынан еңбек ету қабілетінен айырылу және асыраушысынан айырылу жағдайларына тағайындалған әлеуметтік төлемдердің мөлшерін 2023 жылғы 1 қаңтардан бастап алатын әлеуметтік төлемдердің мөлшерінен 8,5 пайызға арттыру жүргізілсін. Осы қаулы 2023 жылғы 1 қаңтардан бастап қолданысқа енгізіледі және ресми жариялануға тиіс" делінген премьер-министр Ә. Смайылов қаулысында.