09 Қыркүйек, 2024 NEWS
Фото: Ашық дереккөз
Балалардың мектепте жаппай улануы көбейгеніне байланысты еліміздегі барлық мектептердің асханалары тексеріледі. Бұл туралы Үкімет мәлімдеді.
"Үкімет басшысының тапсырмасы бойынша бір ай ішінде республикадағы барлық мектептің асханасында санитариялық-эпидемиологиялық талаптардың сақталуына мониторинг жүргізіледі. Ол мектептегі тамақтанудың қауіпсіздігін қамтамасыз ету және мұндай жағдайлардың қайталануына жол бермеу шараларын күшейтуге бағытталған" – делінген ресми хабарламада.
Айта кетейік, Маңғыстау обгысының Бесшоқы ауылының №8 мектебінің 300 оқушысы асханада берілген тамақтан жаппай уланып қалған. Қазіргі уақытта тергеу жұмыстары жүргізіліп жатыр.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір