Денсаулық саласындағы реформалар: Елордада медициналық туризм қалай дамып келеді?

Қазақстанда Мемлекет Басшысы Қасым-Жомарт Тоқаевтың бастамасымен түрлі салаларда реформалар жүзеге асырылуда. Президент өз тапсырмаларында Денсаулық сақтау саласын дамытуға ерекше назар аударады. Қазақстандықтардың денсаулығы еліміздің мемлекеттік саясатының басты басымдықтарының бірі болып табылады. Осыған байланысты мемлекеттік және жергілікті атқарушы органдардың алдында денсаулық сақтау жүйесін жаңғырту және сапалы медицинаға кең қолжетімділікті қамтамасыз ету бойынша маңызды міндет тұр.

Астана медициналық туризмді дамытуда, ішкі және сыртқы, оның ішінде күрделі ем алу үшін үлкен әлеуетке ие. Бұл саланың елордада қалай дамып жатқаны туралы қаланың коммуникациялар қызметінде өткен брифингте «Астананы дамыту орталығы» ЖШС медициналық туризмді дамыту жөніндегі басқарушы директоры Дарина Демян айтып берді, деп хабарлайды елорда әкімдігінің ресми сайты.

Медициналық туризм – бұл елдің экономикалық және әлеуметтік дамуының перспективалы бағыттарының бірі, оны ілгерілету бірінші кезекте елордаға да, жалпы республикаға да туристік ағымды ұлғайтуға, денсаулықты жақсартуға, медициналық қызметтердің сапасын арттыруға ықпал ететін болады.

«Шетелдік келушілердің 90%-ы ТМД елдерінің – Ресей, Қырғызстан және Өзбекстан азаматтары. Қалған 10% – Қытай, Иран, Беларусь азаматтары. Қазақстандық медициналық ұйымдардың негізгі артықшылықтары – заманауи медициналық технологияларға және жаңа объектілерге қол жеткізу, сапа стандарттары, медициналық қызметтердің қолайлы құны, ТМД елдерінің азаматтары үшін тілдік кедергінің болмауы, дамыған туристік инфрақұрылымның болуы», - деп атап өтті спикер.

Егер баға бойынша салыстырмалы талдау жасалса, онда жүректі айналып өту хирургиясы АҚШ-қа қарағанда 80 есе арзан, Сингапурға қарағанда 11 есе арзан.

Бүгінгі таңда Астанада медицинада «алтын стандарт» болып саналатын JCI халықаралық аккредитациясын алған 7 клиника бар:

* Ұлттық ғылыми кардиохирургия орталығы («University Medical Center» корпоративтік қоры);
* «Ана мен бала ұлттық ғылыми орталығы» («University Medical Center» корпоративтік қоры);
* Балаларды оңалту ұлттық орталығы («University Medical Center» корпоративтік қоры);
* Республикалық диагностикалық орталық («University Medical Center» корпоративтік қоры);
* Ұлттық нейрохирургия орталығы;
* ҚР Президенті Іс Басқармасы Медициналық орталығының ауруханасы.
* «UMIT» халықаралық томотерапия онкологиялық орталығы.

«Медициналық туризмді дамыту аясында «Қазақстандық медициналық туризм қауымдастығы» ашылды, оның басты мақсаты жергілікті тұрғындар мен шетелдік туристер арасында медициналық туризмді дәріптеу үшін медициналық ұйымдар мен туристік сала өкілдерін біріктіру болып саналады. Пациенттермен жұмыс бойынша сервис-менеджментті дамыту және госпитальдық сервис сапасының стандарттарын арттыру үшін халықаралық спикерлерді тарта отырып, медициналық ұйымдардың қызметкерлері үшін курстар, семинарлар және шеберлік сыныптары өткізілді», - деп толықтырды Дарина Демян.