Алдағы күндері аяз қайтадан күшіне енеді

Қазгидромет демалыс күндері ел аумағының басым бөлігінде ауа температурасы төмендейтінін хабарлады.

Атлантикалық циклон және онымен байланысты атмосфералық фронттар шығысқа қарай баяу жылжуынан ауа-райы тұрақсыз болып, елдің басым аумағында қар жауады. Әсіресе шығыста қар молынан түсіп, оңтүстікте жаңбыр аралас қар жауады.

"Республика аумағында бұрқасын, көктайғақ, батыста және оңтүстікте тұман болады деп болжануда. Бірақ 7 қаңтарда суық арктикалық антициклон еліміздің батысына жылжи бастайды, сонымен байланысты жауын-шашынның біртіндеп тоқтауы және ауа температурасы батыста, одан кейін еліміздің қалған бөлігінде күрт төмендеуі күтіледі. Термометрлердің бағандары батыста, орталықта 20-28 аязға дейін, солтүстік-батыста, солтүстікте 25-33 аязға дейін, шығыста 5-13 аязға дейін, ал еліміздің оңтүстігінде 0-10 аязға дейін төмендеуі күтіледі" делінген хабарламада.