23 Мамыр, 2019 NEWS
Samsung Алматыда жаңа QLED 8K кинотеатрын ашты
QLED 8K Cinema кинотеатры көрсеткен алғашқы фильм Чад Стахелскидің “Джон Уик 3” боевигі болды.
8K ультражоғары тұнықтығы және жасанды интеллект технологиясы бар әлемдегі бірінші QLED теледидарымен жабдықталған кинотеатр Esentai Mall ойын-сауық орталығындағы Kinopark аумағында ашылды деп жазады Qamshy.kz ақпарат агенттігі.
Samsung компаниясы осы жобаны Kinopark кинотеатрлар желісімен бірге қолға алған.
VIP-кинозалдың ашылу рәсімінде Samsung өкілдері журналистерге инновациялық QLED 8K желісінің ерекшеліктерін көрсетті.
8К – экранның тұнықтығын барынша жоғарғы деңгейде көрсетеді, жасанды интеллектің арқасында контент сапасы 8К өлшеміне дейін жақсарған, экранның көрінісі бөлмедегі жарықпен реттеледі.
Ашылу рәсімінде Samsung Electronics Central Eurasia президенті Хан Санг Ву кинотеатр ашуға не себеп болғанын айтты.
"Адамдар кинотеатрға үлкен экрандағы шынайы бейнені тамашалап, дыбыс үндестігінен әсер алу үшін барады. Ал үлкен экраны бар QLED 8K (ең жоғары диагоналі – 98 дюйм) сол сапаны береді. Яғни көрермен QLED 8К теледидарынан сүйікті кинотуындыларын көргенде бейнесі мен дыбысының сапасы жоғары заманауи кинозалда отырғанын сезінеді. Сіз экранда болып жатқан бейнеден әсер аласыз, бөлмеде болсаңыз да өзіңізді оқиғаның ортасында жүргендей сезінесіз", – деді ол.
Естеріңізге сала кетсек, QLED 8K Cinema кинотеатры көрсеткен алғашқы фильм Чад Стахелскидің “Джон Уик 3” боевигі болды.
Сонымен бірге Samsung өкілдері дәл осы кинотеатрда компанияның болашақ флагман өнімдерінің таныстырылымын өткізетінін хабарлады.
Ұсынған: Маржан Сәбет
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір