Алматыда такси қызметі ТМД елдері арасындағы ең қымбаты болып шықты

ТМД елдері арасында Қазақстанда әсіресе Алматыда такси қызметі ең қымбат болып саналады. Алматыдағы такси тарифі (0,68 доллар) Мәскеу (0,44 доллар) мен Санкт-Петербургтен (0,55 доллар) де қымбат. Бұл туралы Energyprom.kz сайты хабарлады.

Қазақстанда бір жылда такси қызметі 13,2%-ға қымбаттаған. Оның ішінде Алматыда – 36,9%, Шымкентте – 36,1%, Ақтөбе облысында – 22,1%, Батыс Қазақстан облысында – 21,3%, Ақмола облысында – 13,5%.

Қымбатшылық деңгейі төмен (1%) өңірлер қатарында Солтүстік Қазақстан мен Жамбыл облыстары бар.

Қаңтар-шілде аралығында такси қызметін 39,8 млн жолаушылар қолданған. Бұл былтырғыдан 36,4%-ға жоғары.