15 Ақпан, 2024 Барлық аймақтар
Көлік жууға және моншаға қанша су жұмсалатыны есептелді
Су ресурстары және ирригация министрлігі жалпы су шығынын есептеді
ашық дереккөзден алынды
Мәжілісте өткен дөңгелек үстел барысында су ресурстары және ирригация министрі Нұржан Нұржігітов өзіне-өзі қызмет көрсететін көлік жуу орнында бір көлікті жууға жұмсалатын су орташа есеппен 200-250 литр болатынын айтты.
- Егер жүк көліктері мен автобустар туралы айтатын болсақ, шығын 500-700 литрге дейін артады, бұл жыл сайын шамамен 100 миллион текше метр су болады. Монша кешендерінің су тұтынуы жылына шамамен 120 миллион текше метр болады, - деді министр.
Шенеуніктің айтуынша, былтыр Қазақстандағы көліктер саны орта есеппен 18,3 пайызға артқан. Министр жергілікті тазарту құрылыстарына, атап айтқанда, көлік жуу орындарына арналған технологияларды пайдалану орталықтандырылған көздерден таза суды тұрақты қоспай және тұтынбай, суды қайталама және тұрақты айналымға қосуға мүмкіндік беретінін атап өтті.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір