Қазақстандық теннисшілер Уимблдон турнирінде қанша табыс тапты?

Қазақстан теннис федерациясы ел спортшыларының Уимблдон турнирінде қанша табыс тапқанын мәлімдеді.

Федерациясының дерегінше, ширек финалға дейін жеткен Елена Рыбакина 340 мың фунт стерлингке (194 075 525 теңге) қол жеткізді.

Ал төртінші айналымнан аса алмаған Александр Бублик 207 мың фунт стерлингпен (118 157 746 теңге) қайтты.

Юлия Путинцева жекелей (55 мың фунт стерлинг немесе 31 394 570 теңге) және жұптық (6 875 фунт стерлинг немесе 3 924 321 теңге) сында алғашқы айналымда өнер көрсеткені үшін барлығы 61 875 фунт стерлинг немесе 35 318 891 теңге олжалады.

Анна Данилинаның көрсеткіші – жұптық сындағы алғашқы айналым: 6 875 фунт стерлинг (3 924 321 теңге) және жұптық сында ширек финалға дейін жетіп: 8 250 фунт стерлинг (4 709 185 теңге) олжалап, 15 125 фунт стерлинг (8 633 506 теңге) алған.

Жұптық сында алғашқы айналымда сүрінген Александр Недовесов пен Андрей Голубев 6 875 фунт стерлингтен (3 924 321 теңге) тапты.

Ал Уимблдонның іріктеу сатысының бірінші айналымында ойнаған Тимофей Скатовтың табысы – 12 750 фунт стерлинг (7 277 832 теңге) болды.