Бір жыл тұрмастан ажырасатын жастардың қатары жиілеген

2022 жылғы І тоқсанда АХАТ бөлімдері арқылы 4,1 мың жұп ажырасқан. Бұл бір жыл бұрынғы көрсеткіштен 10,3 пайызға аз.

Ranking сайты келтірген деректерде, ажырасу ауылдық жерлерде 27,5 пайызға, қалада 5,5 пайызға азайғаны айтылады.

Ажырасу жағдайлары Алматы қаласында (536), Алматы (466) және Қарағанды облыстарында (417) жиі кездеседі. Жыл басынан бергі ең төменгі ажырасу фактілері Қызылорда облысында (69) тіркелген.

2021 жылы жалпы 48,2 мың жұп ажырасқан. Бұл – 2020 жылға қарағанда 0,5 пайызға артық. Оның ішінде 2,7 мың жұп жұптасып жылға жуық уақыт та тұрмаған. Ондайлардың саны алдыңғы жылға қарағанда 16 пайызға көбейген. Ерте ажырасу деректері Алматы қаласы мен Алматы облысында, Нұр-Сұлтан қаласында, СҚО-да тіркелген..

Ажырасушылар арасында 1 жылдан 4 жылға дейін тұрғандар саны – 14,1 мың, 5 жылдан 9 жылға дейін бір шаңырақ астында өмір сүргендер – 12,7 мың, 10 жылдан 14 жылға дейін – 7 мың, 15 жылдан 19 жылға дейін – 3,3 мың, 20 жылдан артық тұрып ажырасқандар 6,1 мың.