Фото: ШҚО Ақпарат орталығы
1 мамыр – 130-дан астам ұлтты "шаңырақтың бірыңғай күмбезімен" біріктірген, бірегей Қазақстан Республикасының аумағында ондаған жылдар бойы достық пен өзара түсіністікте өмір сүріп келе жатқан халықтың келісімі, татулығы және топтасу күні. Шығыс Қазақстанда Қазақстан халқының бірлігі күніне арналған мерекелік іс-шаралар өтуде.
Президент Қасым-Жомарт Тоқаев бұл мерекені Ұлт бірлігінің жарқын символы деп атады. Мемлекет басшысы отандастарына құттықтау сөзінде халықтың санасында терең тамыр жайған достық пен өзара түсіністік дәстүрлері елдегі үйлесімділіктің, бейбітшілік пен келісімнің негізіне айналғанын атап өтті. Президенттің пікірінше, берекелі қазақ жерінде тарихи қалыптасқан мәдениеттердің сан алуандығы – біздің бірегейлігіміздің ажырамас бөлігі.
Жаңа Қазақстанның идеясы қоғамды топтастырудың қуатты факторы деп президент Қасым-Жомарт Тоқаев ерекше атап өтті. Мемлекет басшысы Қазақстан халқының бірлігі күніне орай құттықтауында жасампаз қуатқа сүйене отырып, әрқайсымыз еліміздің жан-жақты жаңаруына өз үлесімізді қосуымыз керектігін атап өтті. Ортақ мұраттар мен құндылықтарға сүйену бізге барлық қиындықтар мен жаһандық сын-қатерлерді сенімді жеңуге көмектеседі, деп есептейді Тоқаев.
Дәстүрлі түрде бұл күні Шығыс Қазақстанның қалалары мен аудандарында ұлттық спорт түрлерінен сайыс өтіп, ән айтылып, конкурстар мен жарыстар, қолөнершілер бұйымдарының көрмелері, жәрмеңкелер және басқа да іс-шаралар ұйымдастырылды.
Салтанатты шара аясында облыс орталығында, Өскеменнің бас алаңында өңірдің шығармашылық ұжымдарының қатысуымен концерт өтті. Шара аясында облыс әкімі Даниал Ахметов жерлестерін құттықтап, елдегі бейбітшілік пен келісімді нығайтудың маңыздылығын атап өтті.
"Бүгінде еліміз президент Қасым-Жомарт Тоқаевтың басшылығымен алдына биік мақсаттар қойып, жаңа Қазақстанды құруға кірісті. Мұның бәрі жасампаз еңбектің жемісі, көп ұлтты халқымыздың татулықтың жеңісі" деді өңір басшысы.
Сонымен қатар шығысқазақстандықтарға денсаулық, табыс пен бақ-береке тіледі.
ШҚО Ақпарат орталығы
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір