Вакцина салдырмаған оқушылар мектепке бара ала ма?

Алматы қалалық санитариялық-эпидемиологиялық бақылау департаменті басшысының орынбасары Әсел Қалықова вакцина салдырмаған балаларға мектептерде білім алуына шектеу қойылмайтынын айтты. 

– Екпеден бас тартқандар саны күн сайын азайып барады. Мектеп директорлары, денсаулық сақтау басқармасы және аумақтық санитарлық-эпидемиологиялық бақылау басқармаларының қызметкерлері тұрақты түрде түсіндіру жұмыстарын жүргізіп жатыр. Екпе алмағандар үшін оффлайн білім алуға шектеу қойылмайды. Екпе ерікті негізде, ата-ана келісімімен жүргізіледі, –  деді Әсел Қалықова.

Айта өтейік, Алматыда 30 мыңнан астам ата-ана баласына Pfizer вакцинасын салдыруға келіскен.