Смартфонды көп қолдану инсульт қаупін күшейтеді – зерттеу қорытындысы

Калифорния университетінің зерттеушісі Джейсон Нагата бастаған ғалымдар тобы 1985 жылдан бері электронды құрылғылардың адам денсаулығына қалай әсер ететіні бойынша жүргізген зерттеуінің нәтижелерін жариялады. Зерттеу барысында 4 мыңнан астам жастың өмірі мен денсаулығы бақылауға алынған.

Зерттеу нәтижелері 20 жасқа дейін экран алдында өткізген әрбір сағат оның 60 жасқа дейін өмір сүру мүмкіндігін азайтатынын көрсеткен. Бұл қауіп, әсіресе, ерлер арасында жоғары. 

"Орта жастан жағдай одан сайын күрделене түседі. Тәулік ішіндегі экран алдындағы әрбір сағат жүректің ишемиялық аурулары пайда болу қаупін 55 пайызға, инсульт қаупін 58 пайызға, жалпы жүрек аурулары қаупін 32 пайызға арттырады", – делінген зерттеуде. 

Сондай-ақ, Джейсон Нагата жас кезде смартфон алдында көп отыру әдеті адамдың физикалық белсенділігін төмендетіп, ұйқы режимін бұзатынын айтады және бұл әдет адамда өмірінің соңына дейін сақталып қалады.

Сондықтан, зерттеушілер, жұмыстан тыс уақытта электрондық құрылғыларды тәулігіне екі сағаттан артық қолданбауға, жатар алдында экранға телміруден мүлде арылуға кеңес береді.

Дереккөз: informburo.kz