12 Тамыз, 2024 NEWS
Қайрат Сатыбалдының қандай активтері мемлекетке қайтарылды?
Бұл 2022 жылдан бастап қайтарылған дүние-мүліктің есебі
Фото: ашық дереккөзден
Соның 661 млн доллары шетелден табылды.
Қайрат Сатыбалдының резиденциясы, люкс үйлері, қымбат көліктері мен активтері мемлекетке қайтарылды.
Дүние мүлкінің жалпы соммасы 1,6 млрд доллар болды. Тыққандары Австрия, Лихтенштейн, Біріккен Араб Әмірлігі және Түркия елдерінен шықты.
Сыбайлас жемқорлыққа қарсы агенттіктің мәліметінше, Қайрат Сатыбалды жиған-тергенін жақын туыстарының атына, аффилиирленген тұлғаларына және бақылаудағы компанияларға рәсімдеген.
Қайтарылған мүліктің ішінде 115 үй мен жер, люкс пәтерлер, 29 автокөлік, 5 арнайы техника, 3 квадроцикл, зергерлік бұйымдар, акциялар мен компаниялардың үлестері, теміржолдағы жолдар мен ақша бар.
Люкс нысандардың бірі, Ақмола облысы Барап ауылындағы Қайрат Сатыбалдының резиденциясы - Астана қаласының Білім басқармасына берілді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір