Қазақтан Ресейден қант сатып алады

Қазақстанда жылына 550 мың тонна қант тұтынылады. Бүгінде елімізде 90 мың тонна қант бар. Бұдан бөлек 80 мың тонна қант Ресейден алынады.

"120 мың тонна қант квотамен алынады. Бұл өнім мамырдан бастап түсе бастайды. Сондай-ақ бажсыз кіргізетін 300 мың тонна қант құрағы бар. Сондықтан бізге қант жетеді деп айтуға болады. Жақында мен Ресейдегі әріптесіммен қосымша тағы 80 мың тонна қант жеткізу туралы сөйлестім. Енді кім біледі, дайын болайық. Ертең әртүрлі жағдай болуы мүмкін. Бірақ биыл қант 100% қамтылады деп ойлаймын", – деді ауыл шаруашылығы министрі Айдарбек Сапаров.

Қазақстанның өтінішін Ресей қолдаған.