Прокурор Байжановқа тағылған айыпты өзгертуді сұрады

Астанада Қуандық Бишімбаевтың ісі бойынша жарыссөз басталған болатын. Бүгінгі сот отырысында прокурор "қылмысты хабарламау" деп айыпталған Бақытжан Байжановқа тағылған бапты ауыстыруды сұрады. 

"Байжановқа тағылған қылмыстық кодекстің 434-бабы "Қылмысты хабарламау" бойынша айыпты 432-бабы "Аса ауыр қылмысты жасыру" деп өзгерту қажет. Өйткені ол аса ауыр қылмыс болғанын біле тұра, құзырлы органдардың ресторанға кіруіне кедергі келтіріп, саналы түрде марқұмның өлімін жасыруға тырысты", – деді прокурор.

Еске сала кетейік, экс-министр Қуандық Бишімбаев жұбайы Салтанат Нүкенованы қатыгездікпен өлтірді, ал Бақытжан Байжанов "қылмыстық іс туралы хабарламады" деп айыпталып жатыр.