"Аққан жұлдыз". Бүгін Бекзат Саттархановтың туған күні

4 сәуір – тәуелсіз ел тарихында бокстан тұңғыш Олимпиада чемпионы атанған қазақ марқұм Бекзат Саттархановтың туған күні. 20 жасында олимп шыңын бағындырып, шаршы алаңда жасындай жарқыраған Бекзат Сейілханұлы көзі тірі болғанда бүгін 44 жасқа толар еді. 

Ер есімін ел есінде қалдыру үшін Түркістан қаласында Бекзат Саттарханов атындағы ықшамаудан мен спорт кешені бой көтерді. Алматы қаласындағы көшелерді біріне  чемпионның аты берілді. 2002 жылдан бастап бокстан Бекзат Саттархановты еске алуға арналған дәстүрлі халықаралық турнир өткізіліп жүр.

Спортшы 2000 жылдың 31 желтоқсаны күні, жаңа жылға санаулы минуттар қалғанда, Шымкент қаласы жанындағы Темірлан бекеті маңында автокөлік апатынан қаза болды.