27 Наурыз, 2024 Барлық аймақтар
Назарбаевтар отбасы Испания сотында жеңілді
Каталонияның Жоғарғы соты Назарбаевтар отбасына олардың меншігі арқылы өтетін қоғамдық жолды ашуды бұйырды.
Фото: ашық дереккөзден
Қазақстанның бұрынғы президентінің отбасы Жерорта теңізінің жағасындағы Can Juncadella мүлкіне иелік етеді және 15 жылдан астам уақыт бойы бұл жол үшін Ллоре де Мар қаласының муниципалды билігімен соттасып келеді.
2009 жылы Назарбаевтар отбасы көпшілік өтетін жолды бөгеп, арнайы күзетпен жауып тастады. Артынша олар мылтық дауысымен жергілікті тұрғындарды қорқытпақ болған. Алайда тұрғындар бұрынғы президенттің отбасын сотқа беріп, жоғарғы сотқа дейін жетті. Каталония Жоғарғы сотының шешіміне сәйкес, Тимур Құлыбаев пен оның жұбайы Назарбаевтың ортаншы қызы Динараның құрылымдары бақылайтын испандық Flinder Data SL компаниясы жолды көпшілік пайдалану үшін ашуға міндеттелді.
Can Juncadella жылжымайтын мүлік кешені Коста Бравада орналасқан шағын Лоретта де Мар курорттық қаласында орналасқан. 2007 жылы оны Назарбаевтар отбасы сатып алған. Бұл Жерорта теңізінің үстіндегі бақылау палубасына кіру мүмкіндігі бар 18 гектардан астам кең аумақ. 3200 шаршы метрлік виллада 19 жатын бөлме, 13 ванна бөлмесі, бассейн және сауна бар.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір