Фото: Ашық дереккөз
"Жаңа Шекара" кинофестивалінің ұйымдастырушылары ҚР күштік органдары тарапынан қысым көрсетіліп жатқанын мәлімдеді. Бұл туралы ұйымдастырушылар фейстивальдің әлеуметтік желідегі парақшасында жазды.
"Біз ҚР Конституциясында тыйым салынған цензураға қарсымыз. Шығыс Түркістандағы адам құқықтарын бұзу тақырыбы әлемнің көптеген авторитарлық елдерінде цензураға ұшырады. Өкінішке орай, Қазақстан да солай болды. Біз сіздердің қолдауыңызды сұраймыз", - деп жазылған фестивальдің әлеуметік желідегі парақшасында.
Еске сала кетейік, "Жаңа Шекара" кинофестивалінде Шығыс Түркістанның тарихы мен мәдениеті, өңірдегі халықтың тұрмыс-тіршілігі және Шыңжаң саяси лагерінде кіші халықтарға жасалған азаптаулар баяндалады. Фестиваль жұма күні Алматыда өтуі тиіс еді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір