Боксшы Бейбіт Шүменовке іздеу жарияланды

Бокстан бұрынғы әлем чемпионы Бейбіт Шүменовке іздеу жарияланды. Бұған дейін ол сауда орталығында қолында баласы бар ер азаматты ұрғаны үшін тергеу басталған болатын. 

Құқықтық статистика және арнайы есепке алу органдарының порталындағы дерекке қарағанда, Бейбіт Шүменовке 22 шілдеде еліміздің Ішкі істер министрлігінің бастамасымен Астана қаласының Есіл аудандық полиция басқармасы іздеу жариялаған.

Еске сала кетейік, 11 шілдеде әлемнің экс-чемпионы Бейбіт Шүменовтің сауда орталығында балалы ер адамды соққыға жыққаны туралы ақпарат тарады. 12 шілдеде ақпарат ресми түрде расталған болатын.