Бір жылда 35 мың қазақстандық Ресейге жұмыс іздеп барған

Жыл басынан бері Ресейге 35 мыңға жуық қазақстандық жұмыс іздеп барған.

Биыл бірінші тоқсанда Өзбекстаннан Ресейге 630 859 адам жұмыс іздеп барған. Бұл жөнінде Ресейдің қауіпсіздік қызметі (ФСБ) хабарлағанын "Ведомости" басылымы жазды.

Басылымның мәліметінше, 2023 жылдың алғашқы үш айында Ресейге 1 300 000 еңбек мигранты барған. Бұл былтырғы жылмен салыстырғанда 1,6 есеге көп.

Ресейге Тәжікстаннан 349 357 адам және Қырғызстаннан 172 591 адам барған.

Бұдан бөлек, Армениядан 47 337 адам, Қазақстаннан 34 783 адам Ресейге жұмыс іздеп барған деп айтылады. 

Бұл – тек ресми тіркелген көрсеткіш.

Дереккөз: Азаттық радиосы