Полиция Инга Иманбайға айыппұл салды

11 мамырда Алматыда полиция журналист әрі азаматтық белсенді Инга Иманбайды "қоғамдық бірлестіктер туралы заңнаманы бұзды" деп айыптап, 172 500 теңге көлемінде айыппұл салды.

Бұл жөнінде белсендінің өзі хабарлады. Оны 1 сәуірде Алматыда өткен "Халық парламентінің" алғашқы жиынына қатысқаны үшін айыптаған.

"Бұрын митингіге шыққандарды соттайтын, қазір тіпті жабық жерде жиналыс өткізгені үшін де жазалайтын болған ба мыналар?" деп жазды белсенді Facebook-тегі парақшасында.

Еске сала кетейік, бір күн бұрын полиция "Демпартия" белсендісі Аружан Дүйсебаеваға осы жиын үшін айыппұл салған болатын.