Алматы Орталық мешітінде Рамазан айының Құран хатым дұғасын жасады

Қасиетті рамазан айының соңғы күндеріндегі түнгі құлшылық намазына Орталық мешітке жамағат көп жиналды.

Бас имам Төлеби Оспан, Серік Ахметов пен Мансұр Инаятулла қарилар тарауих намазын жүргізді.

Уағыз айтылып, наиб мүфти Кенжеәлі қажы Қоңыратбайұлы мен бас имам Төлеби Дәділұлы қасиетті рамазан айында оқыған Құран хатымның дұғасын жасады. Ел амандығы мен тыныштығы үшін бата жасалды. Хатым дұғасына жиналған жамағат қариларға алғысын білдіріп, ораза айындағы сауапты амалдарына ризашылық білдірді.