Қай өңірлерге су тасқыны қаупі төніп тұр?

Солтүстікте және орталықта қар жамылғысында жинақталған ылғал қордың көлемі су тасқынына соқтыруы мүмкін. Мұндай болжамды Қазгидромет мамандары айтып отыр.

Қазгидромет мәліметінше Ақмола, Қарағанды және Қостанай облыстарында топырақ қабаты бетінің үстіне мұз қабығы жапқан. Бұл температуралық фонның күрт жоғарылса немесе қатты жаңбыр жауса су тасқынының туындауына әкеп соғуы ықтимал.

Қазақстанның жазық өзендері бассейндеріндегі қар жамылғысындағы су қоры үлкен әркелкілікпен сипатталады:

♦Қарағанды облысында орташа көп жылдық мәндерден 33-51%-ға төмен;

♦ Ақмола облысында орташа көп жылдық мәндерден 25%-ға жоғары;

♦ Солтүстік Қазақстан және Атырау облыстарында орташа көп жылдық мән шегінде;

♦Қостанай облысында Тобыл, Аят және Тоғызақ өзендерінің бассейндерінде орташа көп жылдық мәндерден 30-44%-ға төмен.