Фото: Ашық дереккөз
Пхеньян Солтүстік Корея басшысы Ким Чен Ын бақылауымен тағы бір гипердыбыстық зымыран сынағы өткізгенін мәлімдеді.
Мемлекеттік БАҚ сейсенбі күні атылған зымыран шамамен 1000 км алыстағы теңіз үстіндегі нысанасына жетіп, сәтті бұрылғанын хабарлады.
Бұл – Солтүстік Кореяның үшінші гипердыбыстық зымыран сынағы болып есептеледі.
Оңтүстік Кореяның әскерилері бастапқыда гипердыбыстық зымырандар туралы мәлімдемелерді жоққа шығарды, бірақ кейінірек "бұл сынақ – бұрынғыларына қарағанда жетілген сынақ екенін көрсетті" деп хабарлады Сеулдің "Yonhap" ақпараттық сайты.
Солтүстік Кореяның мемлекеттік ақпарат агенттігі сынақты жоғары бағалап, зымыран туралы "дәлдігі жоғары", "жетістігі таңғаларлық" деп мәлімдеді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір