Фото: ekaraganda.kz сайты
Неврологиялық сырқатқа шалдыққан автобус кондукторы жолаушылар өміріне қатер төндірген. Оқиға Қарағандыдан Абай қаласына қарай бағыт алған №146 автобуста болған. Бұл туралы ekaraganda.kz сайты жазды.
Басылымға оқиға куәгерлерінің бірі автобус Ақтас елдімекені маңына келгенде кондуктор шу шығара бастағанын айтқан.
"Ол өзін белдікпен қылқындырмақ болды. Кондукторда эпилепсия приступы басталды. Ол қолына арқан алып, далаға шығып, кейін қайтып келіп, бардачкадан пышақ алып автобус салонында арлы-берлі сермей бастады. Ол ешкімді жарақаттамады. Жолаушылар басқа автобусқа отырғызылды" дейді оқиға куәгері.
Қарағандыдағы №3 автопарк кондуктор жұмыстан шығарылатынын мәлім еткен. Қазіргі уақытта ақыл-есінде ауытқушылығы бар адам қалай мұндай жұмыс істеп жүргені анықталып жатыр. Қарағанды облысы полиция департаменті оқиғаға байланысты ешқандай арыз түспегенін хабарлаған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір