Фото: Ашық дереккөз
Италия соты соңғы онжылдықтардағы ең ірі мафия сотының бірінші кезеңінде "Ндрангета" деген ірі мафиялық топтың 70 мүшесіне үкім шығарды.
Айыпталушыларға кісі өлтіруге оқталу және бопсалау сияқты айыптар тағылды.
Алдағы екі жылда 355 мафия және жемқор шенеунік Италияның ең бай және ең күшті ұйымдасқан қылмыстық тобына қатысы бар деген айыппен сот алдында жауап береді.
Процеске жүздеген адвокат пен мыңға жуық куәгер тартылған.
Сот процестері Ламезия Терме қаласындағы арнайы өзгертілген сот залында жабық есік жағдайында өтті.
Судьялар айыпталғандардың алтауын 20 жылға бас бостандығынан айырды.
"Ндрангета" шамамен 150 отбасынан тұратын кең таралған қылмыстық желі.
Ұзаққа созылған айыптау парағында есірткі, кісі өлтіру, адам өлтіруге оқталу, бопсалау, несие алу, қызметтік құпияны жария ету және қызметтік өкілеттігін асыра пайдалану бойынша айыптар бар.
Тергеуге прокурор Никола Граттери жетекшілік еткен. Ол Италияның мафияға қарсы ең құрметті бас прокурорларының бірі. Граттери ондаған жылдарын итальялық қылмыстық топтармен күресуге жұмсап, соның салдарынан 30 жылдан астам полицияның қорғауында өмір сүрген.
Граттери осы жылдың басында халықты алаңдатқан "Ндрангетаны" жоюға уәде беріп, журналистерге үкімнің "өте жақсы өткенін" айтқан.
"Ндрангета" кең ауқымды заңсыз әрекеттермен айналысады. Топ кокаин саудасына маманданған әрі Еуропадағы сауданың 80%-ға жуығын бақылайды деп саналады.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір