Бюджет есебінен салынған 57 тұрғын үй пайдалануға беріледі

Бұл туралы ақпараттық-коммуникациялық орталығында өткен брифинг барысында қалалық экономика және бюджеттік жоспарлау басқармасының басшысы Р.Мүлкеманов хабарлады.

Оның айтуынша, биылғы жылы қалада бюджет есебінен 479,9 мың шаршы метрлі 5 912 пәтерлі 97 көп қабатты тұрғын үйдің құрылысы жүргізілуде.
- коммуналдық 122,2 мың шаршы метр 1 656 пәтер 26 үй;
- кредиттік 251,9 мың шаршы метр 3 176 пәтерлі 53 үй;
«Shymkent» ӘКК 105,8 мың шаршы метр 1 080 пәтерлі 18 үй.

Жыл соңына дейін 298,6 мың шаршы метрді құрайтын 57 көп қабатты тұрғын үй пайдалануға беру жоспарлануда. Ол 3 512 пәтер. Одан бөлек, ағымдағы жылы 1 580 пәтер сатып алу жоспарланған.
- Жұмысшы жастарға 900 пәтер;
- Көп балалы аналарға 444 пәтер;
- Халықтың әлсіз топтарына – 236 пәтер.