Фото: көрнекі сурет
Еліміздің қорғаныс министрлігі қоғамдық талқылау үшін тиісті қаулы жобасын "Ашық НҚА" порталына жариялады.
Құжатта берілетін қару-жарақтың пайдаланылмай, қорда артық тұрғаны көрсетілген.
Тәжікстанмен жасалған келісім жобасында Қазақстан жабдықты Душанбе қаласына жеткізуді, сондай-ақ көлік шығындарын өз мойнына алған.
НҚА жобасына сәйкес, Қазақстан Тәжікстанға береді:
БО оғы бар 5,45 мм патрондар – 3 млн дана;
23 мм патрон – 20 мың дана;
82 мм оқ – 10 мың дана.
Қырғызстанмен жасалған келісім жобасында техниканың Қой-Таш елдімекеніне жеткізілетіні, шығындарды қазақстандық тараптың көтеретіні көрсетілген.
Беретін мүлік тізімі:
БО оғы бар 5,45 мм патрондар – 6 млн дана;
Жарықшақты-фугасты бастиегі бар 122 мм реактивті снаряд – 1000 дана;
Қызғылт сары түсті түтінді жерүсті сигналдық патрон – 2000 дана;
26 мм сары түсті отты сигналдық патрон – 1000 дана;
"Восток-СП" есту-қабылдау бекеті – 4 бірлік;
"Галактика" РПҚ – 6 бірлік;
"Калина 12х80" антенналық коммутаторы.
Айта кетсек, алушы екі елдің бұл жабдықты үшінші тұлғаларға бере алмайтыны, сата алмайтыны құжаттарда айқын көрсетілген. Қос құжат 6 ақпанда талқылауға шығарылды және ол 20 ақпанға дейін жалғасады.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір