Алматыда мәдениет нысандары қалыпты режимде жұмыс істеп жатыр

Алматы қаласының Мәдениет нысандары карантин шараларын сақтай отырып, штаттық режимде жұмыс істеп жатыр. 

Аматы қаласының бас санитарлық дәрігері Жандарбек Бекшиннің қаулысына сәйкес, карантиннің жеңілдетілуіне байланысты 1 қыркүйектен бастап қалада мұражайлар, кітапханалар мен хайуанаттар бағы қалыпты режимде жұмыс істей бастады.

«Алматы қаласының музейлер бірлестігі» КМҚК ( Алматы мұражайы, Ықылас атындағы ұлттық аспаптар музейі, Д. А. Қонаев музей, Н. Тілендиев атындағы мемориалдық мұражай, С. Мұқанов және Ғ. Мүсірепов атындағы әдеби-мемориалдық мұражай кешені, Райымбек батыр дәстүрлі музыка мультимедиялық мұражай кешені) күнделікті 10:00–ден 19:00–ге дейін жұмыс істейді.

Айта кетейік, Ықылас атындағы халық музыкалық аспаптар мұражайында Азия және Еуропа музыкалық аспаптарының жаңа залдары ашылды.

Карантин кезінде Алматы хайуанаттар бағында керік, зебра, Пржевальский жылқысының құлыны, бұғы, ақбөкен, түйе, жапон тырнасы, эму түйеқұсы дүниеге келді. Әртүрлі құстар мен жануарлардың жүзден астам баласы бар. Барлық төлдеген жануарлар төлдерімен бірге экспозицияда.

Хайуанаттар бағы күнделікті сағат 9:00-ден 19:00-ге дейін жұмысын қайта бастады. Тек кассалар бір сағат бұрын ерте жабылады.

Қалалық кітапханалар да әдеттегідей 9:00-ден 20:00-ге дейін жұмыс істейді.

Сондай-ақ, кітаптарды үйге 15 күнге алуға болады. Орталықтандырылған кітапхана жүйесі онлайн режимінде көптеген басқа іс-шараларды өткізеді. Атап айтқанда, қазан айында балалар жазушысы С. Бегалиннің 125 жылдығына арналған онлайн режимінде халықаралық конференция өткізу жоспарлануда.

Мәдени нысандарға кіретін кезде қатаң түрде әлеуметтік қашықтықты және қорғаныс маскаларын тағып кіру қажет.