Ахметбек Нұрсила Назарбаевқа байлығын халықпен бөлісу керектігін айтты

Жақында ғана партия құрғысы келетінін жариялап,  оның атын "Сен" деп қоятынын мәлімдеген кәсіпкер Ахметбек Нұрсила экс-президент Нұрсұлтан Назарбаевқа байлығын халықпен бөлісуді талап етті. Бұл туралы Қамшы тілшісі хабарлайды.

Кәсіпкер бұл ойын "хайп үшін жасадым" деп мәлімдеген видеосында айтты.

Ахметбек Нұрсиланың ойынша, олигархтар және Қазақстан Республикасының бұрынғы президенті байлығын халықпен бөлісуі керек.

Кәсіпкер мәлімдемесінде "Айналайын, Мұхтар Әбілязов, сені де қудаламаймыз. Алып кеткен ақшаңды алып кел. Ауыл шаруашылығына сал. Елдің игілігіне жарат. Ол ақшаны сен Юпитерден, Марстан әкеткен жоқсың ғой. Ол қазақтың ақшасы болатын" деді.