19 Маусым, 2019 Оқиғалар
Өскеменде көпқабатты үй өртенді: қанша адам зардап шекті?
Құтқарылған алты адамның екеуі оныншы қабаттан автосатымен түскен. Алтаудың біреуі - бала.
elorda.info
Өскемен қаласындағы он қабатты үйдің өртенуі салдарынан 6 адам құтқарылып, 26 адам залалсыздандырылған. Өрттің шығуына электр сымдарының өртенуі себеп болды деп хабарлайды Qamshy.kz ақпарат агенттігі Kazakhstan Today сайтына сілтеме жасап.
"18-маусым күні сағат 21:45-те 101 пультіне Өскемен қаласындағы Өтепов көшесінің бойында орналасқан он қабатты үйдің өртке оранғаны туралы хабар келіп түсті. Бірінші өрт сөндіру қызметкерлері сағат 21:51-де жеткен. сол кезде қызметкерлер үшінші және сегізінші қабаттар арасындағы электр шахталарынан өрт шығып жатқанын байқады", - деді ҚР ІІМ Төтенше жағдайлар комитетінің баспасөз қызметі.
Өрт сөндірушілер ең алдымен 26 адамды залалсыздандырды. Оның 8-і балалар. 6 адам, оның ішінде біреуі бала, қызметкерлер көмегімен құтқарылды. Екеуі оныншы қабаттан автобаспалдақпен түсірілсе, қалғандары үй ішіндегі сатымен түскен.
Қолданған шаралардың оң нәтиже беруінің арқасында қызметкерлер он қабатты шарпыған жалынды 22:26 шамасында ауыздықтады.
Өртті сөндіруге ШҚО Төтенше жағдайлар департаментінің 19 қызметкері мен 6 техникасы жұмылдырылған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір