12 Қыркүйек, 2014 NEWS
Интернет-конференция: Қанат ИСЛАМ
«Қамшы» порталының кезекті интернет-конференция қонағы - бокстан әлемдік ареналарда қазақ атын шығарып жүрген қандасымыз Қанат Ислам. Бүгін, түнгі 2:00-де...
«Қамшы» порталының кезекті интернет-конференция қонағы - бокстан әлемдік ареналарда қазақ атын шығарып жүрген қандасымыз Қанат Ислам. Бүгін, түнгі 2:00-де отбасымен бірге Алматы әуежайына келіп қонған Қанат Исламды туысқандарымен қатар бір топ журналистер қарсы алды. Уақытша демалысқа елге келген күрзі жұдырық иесі екінші рет «Қамшы» порталының интернет-конференция қонағы болып, оқырмандармен ашық сұхбат жасауға келісімін берді.
Қанат Ислам – 1984 жылы, 13 қыркүйекте Қытайдың Алтай аймағы, Қаба ауданында дүниеге келген. Ол Қытай ұлттық құрамасының құрамында Пекин Олимпиадасының қола жүлдегері, Чикагода өткен Әлем чемпионатының (2007) және Азия ойындарының (2006) қола жүлдегері. Қытайдың 10 дүркін чемпионы болды. 2010 жылы Қазақстан азаматтығын алды. 2012 жылға дейін «Астана арландары» кәсіби клубының мүшесі болды. Лондон олимпмядасына қатыса алмаған Қанат Ислам 2012 жылы қыркүйект айында кәсіпқой боксқа бет бұрып, АҚШ-тың «Nelsons» промоутерлік компаниясымен шартқа отырды. Ол мұхиттың арғы бетінде 18 кездесу өткізіп, бәрінде жеңіске жетті, 15 жекпе-жегін нокаутпен аяқтады. Соңғы жеңісінен кейін WBA реитингінде 7 сатыға көтерілген Қанат Исламның Әлем чемпионы атағына таласу мүмкіндігі бар, ол үшін қандасымыз реитигнгі жоғары тағы 22 былғары қолғап шеберін шаршы алаңда жеңуі керек. Майамиде жаттығып жүрген Қанат Ислам үш баланың әкесі, әзірге кенжесі АҚШ-та дүниеге келген.
Ұлт мерейін асырып жүрген мәртебелі мейманымызға қояр сауалдарыңыз, бөлісер ойларыңыз болса, мархабат, қадірлі оқырман!Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір