АҚШ акциялары Трамп жеңісі жарияланғаннан кейін көтерілді

Dow Jones Industrial Average индексі 3,6%-ға өсті. Бұл көрсеткіш Dow үшін 2022 жылдан бері ең жақсы сауда күні болды. S& P 500 индексі 2,5%-ға, ал Nasdaq индесі 3%-ға жуық өсті.

Дональд Трамптың Trump Media & Technology медиа компаниясының акциялары 6 пайызға өсіп, бір акция үшін 36 долларды құрады.

Трамптың одақтасы Илон Маск басқаратын Tesla компаниясының акциялары сәрсенбіде шамамен 14,5% қымбаттады.

Дональд Трамп сәрсенбі күні таңертең Флоридада сахнаға шыққанда, АҚШ валютасы нығая түсті. АҚШ долларының индексі шамамен 1,4%-ға өсіп, тамыз айының басынан бері болмаған деңгейге жетті. 10 және 2 жылдық қазынашылық облигациялар кірістілігі де бір түнде өсті.

Сәрсенбіде Азиядағы сауда аралас болды, өйткені халықаралық нарықтар сайлау нәтижелерін қорытты. Жапондық Nikkei бір күнде 2,61%-ға қымбаттады, ал шанхайлығы іс жүзінде өзгеріссіз небәрі 0,09%-ға төмендеп жабылды. Гонконгтың Hang Seng индексі жабылу сәтінде 2,23%-ға төмендеді.

Ұлыбританияның FTSE 100 индексі сәрсенбі күні таңертең көтеріліп, ашылудан кейін 1,43% шамасында көтерілді. Немістің DAX-ы таңғы саудада шамамен 1,3 пайызға көтеріліп, ұқсас өсім көрсетті.

Бұған дейін хабарланғандай, АҚШ-тың бұрынғы президенті Дональд Трамп сайлауда жеңіске жетіп, Ақ үйге оралды. Оған берілген дауыстар саны басты қарсыласы Камала Харристен басым түсті.

Еуропарламент фракциясының тең төрағалары Трампты жеңісімен құттықтады.

Мемлекет басшысы Қасым-Жомарт Тоқаев Америка Құрама Штаттары Президентінің сайлауында айқын жеңіске жеткен Дональд Трампқа құттықтау жеделхатын жолдады.