«Горельник» термалды бұлағының тазалығына кім жауапты екенін экобелсенді айтып берді

Бір кездері әйгілі «Горельник» термалды бұлағын салған алматылық кәсіпкер, меценат Сергей Спицын қазіргі уақытта ыстық бұлақтың жағдайы нашар екендігі жайлы ақпаратты жоққа шығарды. 

Бизнесмен екі радон суы бар бассейн орналасқан алаңның қазіргі жағдайы туралы айтып, желіде бейнежазба жариялады.

Кәсіпкер бұл термалды бұлақтың жағдайына қатысты интернетте жағымсыз жазбалар пайда болғаннан кейін туындағанын атап өтті.

Бұған дейін блогер Е. Еділов әлеуметтік желідегі парақшасында киім ауыстыру кабиналары қоқысқа толып, емдеу аймағының астаң-кестеңі шығып жатқанын көрсеткен бейне жариялаған болатын.

Бизнесменнің айтуынша, бейне бірнеше ай бұрын түсірілген. Сол кезде бұлақ аумағын тазалау және оны таза ұстау мәселесін экобелсенді дереу шешкен. Қазір меценат тәртіпті қадағалауды жалғастырып отырғанын айтып, жақында мұнда дәретхана салуға уәде берді.

Айта кетейік, «Горельник» ыстық бұлағы «Медеу» мұз айдыны мен «Шымбұлақ» тау шаңғысы курортының арасында теңіз деңгейінен 1901 метр биіктікте орналасқан. Бұл ыстық және суық минералды суы бар екі бассейні бар емдеу алаңы. Мұнда сондай-ақ радонға бай бұлақ бар. Су 320 метрлік ұңғымадан алынып, құбыр арқылы бассейндердің қасына құйылады.

2016 жылы ыстық бұлақ толық жаңғыртудан өтті. Сол кезде алаңның өзі де, оның спорттық бөлігі де толық жаңартылды: үйлердің интерьері мен экстерьері заманауи үлгіге келтірілді, велосипед тұрағы пайда болды және т.б. Сонымен қатар, мұнда дәмді тағамдар ұсынатын визит орталық салынды.

Қазіргі таңда термалды бұлақ – алматылықтар мен мегаполис қонақтарының сүйікті демалыс орны. Айтпақшы, көпшілік Шымбұлақ немесе Медеуге барар алдында «Горельникке» соғуды дәстүрге айналдырған.