Алматылықтарға самокатпен жүрудің ережесі түсіндірілді

Электр көлігімен велосипед жолдарымен, жол жүру бөлігінің оң жақ шеткі жолағымен және тротуармен жүруге болады, - деп хабарлады Алматы қаласы полиция департаментінің ресми өкілі Салтанат Әзірбек ӨКҚ брифингінде, деп хабарлайды Almaty-akshamy.kz. 

«Енгізілген өзгерістерге сәйкес, электр самокаттардың жүргізушілері велосипед жолымен жүреді. Олар болмаған кезде заңмен енгізілетін шарттар мен тыйымдарды сақтай отырып, жол жүру бөлігінің оң жақ шеті бойынша электр самокаттардың жүруіне жол беріледі», - деп атап өтті спикер.

Сонымен қатар, электр самокаттардың  жүргізушісі кемінде 18 жаста болуы керек, ол бекітілген дулыға және шағылыстыратын киім киюі керек, сондай-ақ кез келген санаттағы жүргізуші куәлігі болуы қажет.

Жол қозғалысы саласындағы заңнамаға енгізілген жаңа өзгерістерге сәйкес, мопед, электросамокат, велосипед жүргізушілеріне тыйым салынады:

 - рульді бір қолмен болсын ұстамай жүргізуге:
 - бір бағытта қозғалыс үшін бір жолақтан көп жолдардағы трамвай қозғалысы бар жолдарда солға бұрылуға немесе кері бұрылуға;
 - мопедтермен және велосипедпен пайдалануға арналған тіркемені сүйреуден басқа мопедтерді, электросамокаттарды және велосипедтерді сүйреуге:

 - көлік құралында бола тұра жаяу жүргіншілер өткелдерінен жолдың жүру бөлігін кесіп өтуге:
 - басқа көлік құралдарының жүргізушілеріне көрінуді қамтамасыз ететін, жол жүру ережелерінде белгіленген талаптарға сәйкес келетін шағылысатын затсыз жолдың жүру бөлігінде түнде жүруге:

 - жолдың жүріс бөлігінде жүргенде, бекітілген дулығасыз жүруге.

 Өзгерістерге сәйкес, электр самокаттардың жүргізушілері велосипед жолымен қозғалады.  Олар болмаған жағдайда заңмен белгіленген шарттар мен тыйым салуларды ескере отырып, электр самокаттарға жүру бөлігінің оң жақ жиегімен жүруіне рұқсат етіледі.

 Ережелердің бірін бұзған жағдайда жүргізушілер екі бап бойынша әкімшілік жауапкершілікке тартылады, бұл ҚР ӘҚбК-нің 593 бабы (Жолаушылар мен жүктерді тасымалдау қағидаларын сақтамау) және ҚР ӘҚбК-нің 620 бабы (жол қозғалысына қатысушыларға қойылатын өзге де талаптарды бұзғаны үшін).
 Аталған баптардың санкцияларына сәйкес, құқық бұзушыларға 5 АЕК немесе 17 250 теңге көлемінде әкімшілік айыппұл салынады.