Фото: Ашық дереккөз
Ішкі істер министрінің бірінші орынбасары Марат Қожаев полиция қызметкерлерінің журналист Сандуғаш Дүйсенованы шешіндіріп тінтуі жөнінде тілшілердің сұрағына жауап берді. Оның айтуынша, істің бәрі заңмен регламенттелген.
"Қылмыстық іс әлі тергелу үстінде. Біздің қызметкерлердің іс-әрекеттерінің заңдылығын прокурорлар, одан кейін сот тексереді. Сол жерде кемшілік анықталып, қызметкерлеріміз міндеттерін дұрыс атқармаса, сот үкімі шыққаннан кейін кешірім сұрауға дайынбыз", - деді Марат Қожаев.
Алайда министр журналисттердің "осы жағдай үшін полиция журналистен кешірім сұрамай ма?" деген сұрағына нақты жауап бере алмады.
"Заңда нақты жазылған: қылмыстық істерді тергеу кезінде заң аясында жасалған іс-әрекеттердің бәрі азаптауға жатпайтыны жазылған", – дейді Қожаев.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір