"Үкімет мерекелердің жаңа тізімін жариялады": Қазақстандықтар тұңғыш президент күнін тойлауды тоқтатпайды

Үкімет мерекелік күндер тізбесінің жаңаланған тізімін бекітті, деп хабарлайды Qamshy.kz ақпарат агенттігі. Аталған тізімде экс-президент Нұрсұлтан Назарбаевқа арналған күн мереке күндерінің жаңартылған тізімінде қалды.

"Қазақстан Республикасындағы мереке күндерінің тізбесін бекіту туралы" Қазақстан Республикасы Үкіметінің 2017 жылғы 31 қазандағы №689 қаулысына мынадай өзгеріс енгізілсін: көрсетілген қаулымен бекітілген Қазақстан Республикасындағы мереке күндерінің тізбесі осы қаулыға қосымшаға сәйкес жаңа редакцияда жазылсын", - делінген Үкімет қаулысында.

Қаулы бойынша, жаңа тізімде 19 мереке бар:

• Кеңес әскерлерінің шектеулі контингентінің Ауғанстаннан шығарылған күні - 15 ақпан
• Алғыс айту күні – 1 наурыз
• Аналар күні - мамырдың екінші жексенбісі
• Саяси қуғын-сүргін және ашаршылық құрбандарын еске алу күні – 31 мамыр
• ҚР Мемлекеттік рәміздері күні – 4 маусым
• Әкелер күні - маусымның үшінші жексенбісі
• Ұлттық домбыра күні – шілденің бірінші жексенбісі
• Абай күні – 10 тамыз
• Спорт күні - тамыз айының үшінші жексенбісі
• Семей ядролық полигонының жабылған күні – 29 тамыз
• Білім күні – 1 қыркүйек
• Отбасы күні - қыркүйектің екінші жексенбісі
• 5 қыркүйек – Қазақстан халқының тілдері күні
• Еңбек күні - қыркүйектің соңғы жексенбісі
• Қарттар күні – 1 қазан
• Нан күні – 16 қазан
• Энергияны үнемдеу күні – 11 қараша
• Ұлттық валюта күні – теңге – 15 қараша
• ҚР Тұңғыш Президенті күні – 1 желтоқсан

Естеріңізге сала кетейік, бұған дейін Тұңғыш Президент күні мемлекеттік мерекелер тізімінде болған, алайда 2022 жылы бұл тізімнен шығарылды. Мемлекеттік мереке ретінде Тұңғыш Президент күні 2012-2021 жылдар аралығында 1 желтоқсанда аталып өтілді.