25 Шілде, 2023 NEWS
Фото: Ашық дереккөз
Шымкентте екі жыл бұрын болған қылмыстың беті ашылды, деп хабарлайды Polisia.kz. Еңбекші ауданының тұрғыны 2 жыл бұрын 32 жастағы ұлының жоғалып кеткенін айтып, полицияға шағымданған.
"Анасы ер адамның екі апта бұрын үйден шығып, қайтып оралмағанын айтты. Хабар-ошарсыз кеткен азаматтың жүрген жерін анықтау мақсатында криминалдық полиция қызметкерлері кешенді шаралар жүргізді. Ер адамның сыртқы келбетін сипаттайтын бағдарлар қалалық полиция департаментінің басқармаларына, сондай-ақ еліміздің барлық аймақтарындағы полиция бөлімдеріне жолданды", - дейді ведомство.
Алайда іздеу жұмыстары нәтиже бермеген. Тек 2 жылдан кейін ғана қылмыстың беті ашылған.
"Кездейсоқ куәгердің жауабына сәйкес, азаматтың жоғалып кетуіне інісінің қатысы бары анықталды. Отбасылық жанжал кезінде ол өгей бауырын арматурамен бірнеше рет ұрып, өлтіргені анықталды. Өгей ағасының мас күйінде анасымен жанжалдасатыны оны осындай әрекетке итермелеген. Аса ауыр қылмыстың ізін жасыру үшін қаскүнем мәйітті сырттағы дәретханаға тастап, шұңқырды бетонмен толтырып, үстіне шағын сарай тұрғызған", - дейді полиция.
Күдікті қамауға алынды. Еңбекші аудандық полиция бөлімінің тергеушілері қылмыстық істі сотқа жолдады.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір