• USD 468.56

  • EUR 497.56

  • RUB 7.3

  • CNY 67.18

12 Маусым, 19:18:07
Алматы
+35°

Алматыда Мәжілісте Қоғамдық палатаның көшпелі отырысы өтті. Кеңесте меншік иелері бірлестіктерінің мәселелері талқыланды. Аталған жиын барысында бірқатар ұсыныстар айтылып, МИБ өкілдерінің шағымдары тыңдалды. Жиынға депутат Айдос Сарым қатысты. 

Айдос Сарым Қоғамдық палатаның жұмыс жоспары бекітілгенін айтып өтті. 

"Екі мәселені негізге алдық. Ең алдымен қоғамдық палата Мәжіліске келіп түсетін заңдарды талқылап, соған ұсыныстар дайындау үшін жасақталған. Ал екінші мәселе қоғамда қызу талқыланып жатқан өзекті деген мәселелердің нақты іске асу барысын талқылау деген келісімке келген болатынбыз. Қазіргі күйіп тұрған, өзекті мәселелердің бірі - тұрғын үй мәселесі. Бұл мәселені шешу біз үшін өте маңызды. Алдағы уақытта қыс мезгілі келгенде де дайындық, әзірлік керек болады. Сол себепті де осының бәрін ескере отырып осы ұсынысты қабылдадық", деді Айдос Сарым. 

Депутат мұндай жиынды Астана қаласында да өткізуі мүмкін екенін де айтты. 

"Көбісі үйді жөндеуге, ыстық судың, суық судың, жылудың болмауына шағымданады. Сонымен қатар, халық пен МИБ өкілдерінің жұмысын жақсарту мақсатында қала телефондарына арнайы бағдарлама орнатылады. Сонда МИБ жұмысы оңайырақ болар еді. Бұл сонымен қатар жауапты орындарға дереу өтініш беруге және мәселені шешуге мүмкіндік береді. Тұрғындар бот арқылы сұрақтар қояды және жауап ала алады", - дейді МИБ өкілі Аркадий Рубаков. 

Алматы қаласы Қоғамдық кеңесінің төрағасы Алтынай Кубеева СИБ өкілдерін даярлау орталығын ашу қажеттігін атап өтті.

"Бүгінде тұрғындардың МИБ мүшелеріне қатысты көптеген талаптары бар. Атап айтқанда, тарифтердің негізсіз өсуі, жиналыстар өткізбей қаражат жинау, кооперативтердің кейбір объектілерінің құжаттарының нормативтік-құқықтық актілерге сәйкес келмеуі әлі де төмендеп жатқан жоқ. Алайда, мәселені шешу үшін қарқынды жұмыс жүргізілуде. Менің ойымша, МИБ төрағаларын, қарапайым серіктестіктерді, қамқоршыларды және осы саладағы басқа да мамандарды қайта даярлау қажет. Жыл сайын біліктілікті арттыру қажет. Себебі халықтың төлемдерін дұрыс игере алмайтын білікті емес мамандар желмен тарайды", - деп есептейді Алтынай Кубеева.

Еске салайық, Алматыда 56 МИБ тіркелген. Оның ішінде Алатау ауданында — 7, Алмалы ауданында — 8, Әуезов ауданында — 12, Бостандық ауданында — 16, Медеу ауданында — 12, Наурызбай ауданында — 1 және 2 жай серіктестік тіркелген.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір